Ai wat ‘n wonderlike naweek. Absoluut ‘n voorreg om met die kleingoed te spandeer. Danksy Continental wat dit vir ons moontlik gemaak het kon die kindertjies lekker speel. Ongelukkig kon die Treintjie nie oudergewoonte loop nie as gevolg van die weer . Dit het geensins die kindertjies gestop om hulself gate uit te geniet nie.

 Vrydag aand en dit het "Katte en Honde" gereen en die beplande fliek het uit die aard van die saak nie gebeur nie.
Saterdag - Vroegdag het dit al besig geraak. Hul kreatiewe handjies aan die werk - geskenkies word gemaak vir Mamma (of Pappa). Moedersdag kaartjies vir ‘n spesiale Mamma was ook aan die orde van die dag. Lekker bederf met allerlei goedtjies was die kindertjies in die hemel.

Boekmerke is gemaak, koekies versier en lekker ge-eet ook. Kinders kry koud en laat soms val "kan ons nie gou klaar maak nie Tannie dit is blerrie koud" maar sit sit hulle.

Sondag oggend is Winnie  the pooh en  Piglet  vroeg al op, deel pakkies uit vir kindertjies wat saam met Pa en Ma berg toe gaan . Selfs "groot" kindertjies het dit baie geniet. Gelukkig het die koue nie vir  Winnie the pooh  of  Piglet gevang nie. Die kindertjies in die kamp was weereens lekker besig gehou. Potlood monsters word gebou en geverf en selfs mamma’s was ook daar en dit word gesels en gehelp. Groot en klein ewe hard besig om hul kreatiewe kant uit te leef. Die lekker goedjies is toe ook sommer nader getrek en uitgedeel tot groot genot van die kleintjies. Die spring kasteel het baie groot aftrek gekry al was dit maar nat en koud.

Maandag – Prysuitdeling en die springmielie reuk hang swaar in die lug. Die reên het effens bedaar en almal is opgewonde. Groot en klein was in die ry vir die lekker mielies. Roomys en ysies het ook groot aanklank gevind.

As mens terug kyk en jy dink, wat kon anders wees - Niks behalwe miskien dat die naweek bietjie langer kon wees.

 n Spesiale dankie aan Renet en Marthie wat die kinders so vermaak het.   Aan al die dames wat gehelp het met die kinders. Baie baie dankie, sonder elke een van ons se samewerking kon dit nie moontlik wees nie. Al die kinders, sien julle weer volgende jaar, hopelik sal die son skyn en die treintjie loop.

 Baie dankie aan Continental vir die ondersteuning, dit word baie waardeer. 

 Moddergroete uit ‘n pragtige "Continental Kamma" Land