Ek wonder partykeer wie die meeste baat vind by dič dag. Dit minder bevoorregde mense, of ons wat hulle trakteer. Toe ons gaste terug op die busse op pad huistoe is, het dit my getref hoe gelukkig ek regtig is. Hoeveel ek mee geseën is; hoe ondankbaar 'n mens kan wees as alles nie net goed met jou gaan nie. Elkeen van hierdie mensies was vir ons 'n voorbeeld van uitbundige vreugde en tevredenheid. Nęrens was 'n suur gesig nie. Vir baie van hulle is hierdie uitstappie die enigste in die jaar en dit is te verstane dat hulle met soveel geesdrif uitsien om weg te kom van hulle alledaagse roetine. Laat mens dink nę!!!!
Alles het glad verloop danksy Christo Bester en sy span wat aan die stuur van sake gestaan het. Ons wil graag vir elkeen wat die dag teenwoordig was bedank vir hulle onbaatsugtige diens. Sonder julle hulp was dit net nie moontlik nie. Ons vertrou dat almal (en nog meer) volgende jaar weer daar sal wees. Die opkoms van ons klublede het werklik verbaas. Dankie ook aan die Toyota Eienaarsklub vir hulle hulp en bydraes. Soos verlede jaar kon ons weereens op hulle staatmaak. Ons gaste het hierdie jaar verskillende kleure t-hemde aangehad om te help met die “mags en moenies” in terme van hulle spesiale dieëte so julle kan verstaan dat daar ‘n hele paar hande nodig was om te help kontrolleer.
'n Spesiale dank aan al die borge wat die dag finansieël moontlik gemaak het. Ons begroting vir die dag was R86000. Bydraes was genoeg dat ons met die kleingeld 'n skootrekenaar kon skenk aan Paul Jung Nickel-huis. Die TV-netwerk, wat gladnie gewerk het by die Cullinan Sorg en Rehabilisasie Sentrum is ook opgeknap en die mense kan dit nou weer gebruik.
Dankie aan die Blou Bul gelukbringer en die Tswane Brandweer wat 'n groot “hit” was by almal. Vir een keer het die sirenes geloei vir pret en plesier. Die mak Cheeta van De Wild Jagluiperdplaas het ook groot belangstelling gelok en dit was ‘n belewenis om hom van so naby te beskou.
Statistieke:
304 gestremdes
60 personeellede van die onderskeie inrigtings
69 ATV lede (baie met vrouens en kinders)
1400 plaatkoekies is gebak;
500 liter koeldrank
200 porsies yogurt
300 pakke springmielies
600 hamburgers – vars gemaak.
Dankie Charles en Pta Off Road
600 roomyse
560 pakkies chips
6 busse het gesorg vir die vervoer
± 72 borge
Geen ernstige beserings nie en niemand het weggeraak nie.
Meer as 50 4X4’s om die roete te ry en ‘n unieke ervaring aan hierdie mense te verskaf.
